Mary's Promises translated in Rongmei Language

Mary ruai Rosary sa mei nun khang promise su lou mei

          Rosary samei nun indulgence phange nge, indulgence sa mei tho nuan dou lou sini tanti phang ni mei tei rosary sa khou ruai tanti tei la gan lou mei ta the. Metei na ramna Apui mary ruai na St. Dominic le Blessed Alan de la Roche khou lian lou mei ni nai na bam me.

1.      Rosary sa na ata chakhung su mei kaguai khang tho suihiam akhat phang puni, mi tei ruai na nang inthanmei akhatni inchum mei lulung khou tei tilung lou puni.

2.      Rosary sa tan tan mei nun khang tho aruai na suai mak na geak lou puni kumna suaihiam ni dai na ti lou puni.

3.      Rosary hei ruai maikuam khou ruai kan lou puni, tansimei, lungsimei, akhatni pap kaguai ta rhi ngam puni. Church khou ruai tat be nimei bam khou ruai kan lou puni.

4.      Rosary sa ye thai gai tan ni gai na tan puni. Rosary ruai theikan mei bumeng khang Raguang tuang jaojian phang puni. Kandi tuang chun khou boukei ni mei bam khou ruai Rosary ruai kanduak lou puni. Rosary ruai tinkao tuang chun tinai lou puni. Ai meiguai na rosary sana bumeng su inthan mei ta kahao we.

5.      Rosary sa tantan na akhou inkha lou wo tuna sa mei guai tatho ai suai mak na kan lou puni, kaniu thei jatlak ge.

6.      Rosary tuang inthei loumei kaguai ta injianna makummei akhatni sachui mei nun tho sansimei akhatni kabukacheimei tabuinung nasini shourulak ge. Raguang ruai ni karu khou tei tanti tilak ge. Thei mei gan khou ni chamdan chui na thei puni, kummak pusini kamei suihiam akhatni Raguang jaojian padikna thei puni. Kamei tei ringsuang mei panti tei suai mak na phang puni.

7.      Rosary sa tan tan mei nun tho suai mak na sacrament lachui na thei puni.

8.      Rosary sa tan tan mei nun tho ringbam khou akhatni thei pusini Raguang tuang suaihiam peina phang puni. Theimei gan khou tingkao khou inthan mei nun le neila na lung incham puni.

9.      Rosary sachui mei nun tatho taruai ram khou ruai jai duak lou puni.

10.  Rosary sa tan tan mei nun tho tinkao khou suan dai mei phang puni.

11.  Nang ruai kahao na Rosary khou kalum na nei mei kaguai tei nang latou puni.

12.  Rosary sa wo tu na meiguai nata katiu mei nun guai kang tho, ai ruai kaniu kage nai pui gan khou kan lou puni.

13.  Ai ruai na anah Jesu khou ruai suaihiam akhat phang the tumei tho, Rosary ta jian na sawo tuna mei guai ta katiu mei nun guai khang tinkao khou bam mei inthan mei nun guai ruai tao ni akhatni thaipui gan khou kaniu khang kalum inkhan lou tan tan bam puni the.

14.  Rosary samei nun guai tei anah nun the akhatni anah Jesu tuang tanpui tanpu nun the.

15.  Rosary sa tan tan mei nun tei tingkao ku ni mei khudam dai mei the.